اترپردیش کے ضلع سہارنپور کے ناگل علاقے میں بیت الخلا کے لئے گھر سے نکلی ایک لڑکی کے ساتھ تین افراد کے ذریعہ عصمت دری کئے جانے کا معاملہ روشنی میں آیا ہے۔
پولیس ذرائع نے بتایا کہ ناگل علاقے کے ایک گاؤں میں گذشتہ رات لڑکی قضائے حاجت کے لئے باہر نکلی تو تین نوجوانوں، لوکیندر، انل اور سُمندر نے اس کا اغوا کرلیا اور زیر تعمیر مکان کے ایک کمرے میں لے جاکر اس کے ساتھ اجتماعی عصمت دری کی۔
ہفتہ کو متاثرہ کی بڑی بہن کی تحریر پر پولیس نے تینوں نوجوانوں کے خلاف اجتماعی عصمت دری کی رپورٹ درج کی ہے۔ تینوں ملزمین فرار چل رہے ہیں۔ پولیس نے متاثرہ کے میڈیکل جانچ کے لئے اسے ہسپتال میں داخل کرایا ہے۔
ایک دوسرے حادثے میں تیترو علاقے کے گاؤں میں گذشتہ رات رضوان نامی شخص نے اپنی بھابھی کے ساتھ عصمت دری کی۔ عصمت دری متاثرہ کا شوہر تین سالوں سے دوسری ریاست میں کسی مجرمانہ معاملے میں جیل میں بند ہے۔ پولیس نے رضوان کے خلاف عصمت کا معاملہ درج کرایا ہے۔ ملزم فرار چل رہا ہے۔
