اتر پردیش کی سہارنپور پولیس نے چند روز قبل ہوئے ایک خاتون کے قتل کا انکشاف کرتے ہوئے تین ملزموں کو گرفتار کیا اور ان کے پاس سے قتل میں استعمال ہونے والے ہتھیار بھی برآمد کیے ہیں۔ ایس ایس پی سہارنپور نے پریس کانفرنس میں یہ معلومات دی۔
ضلع سہارنپور میں گزشتہ 18 اگست کو گاؤں پلکھنی کے رہائشی تیج پال سینی نے بہاری گڑھ تھانے میں اپنی بیٹی کی گمشدگی کی رپورٹ درج کرائی تھی، جس میں انہوں نے بتایا تھا کہ ان کی بیٹی بغیر بتائے گھر سے چلی گئی تھی جس کی تلاش میں پولیس ٹیم لگی تھی۔
گزشتہ 22 اگست کو ایک نامعلوم خاتون کی لاش تیتاوی تھانہ علاقہ کے گاؤں لاڈوانہ کے جنگل سے ملی جس کی شناخت تیج پال سینی کی بیٹی کے طور پر ہوئی، جس کے بعد پولیس نے لاش کو قبضہ میں پوسٹ مارٹم کے لیے بھیج دیا تھا۔
یہ بھی پڑھیں: گیا: فائرنگ کے مقدمے میں دو ملزم گرفتار
مزید کارروائی شروع کی گئی جس میں پولیس کو آج کامیابی ملی جس میں پولیس نے سندر پور تیراہے پر چیکنگ کے دوران مخبر کی اطلاع پر تین ملزم رام سنگھ، بھگوان سنگھ اور دھرم ویر کو گرفتار کیا ان کے پاس سے قتل میں استعمال ہونے والا غیر قانونی اسلحہ بھی برآمد کیا گیا ہے۔'
