ریاست اتر پردیش کے سہارنپور میں آزاد سماج پارٹی نے صحافیوں سے بات چیت کرتے ہوئے کہا کہ ضلع پنچایت میں ایک بھی ترقیاتی کام (development work) نہیں ہوا ہے۔
development work: 'ضلع پنچایت میں نہیں ہوا ایک بھی ترقیاتی کام'
سہارنپور آزاد سماج پارٹی کے ضلع صدر گوتم پردھان نے ضلع پنچایت چیئرمین پر بورڈ کی تشکیل کے چار ماہ بعد بھی ترقیاتی کام شروع نہ کرنے کا الزام لگایا۔
انہوں نے کہا کہ اب تک ضلع پنچایت کے ذریعہ کئے گئے کاموں کو پچھلے بورڈ نے منظوری دی تھی۔ موجودہ بورڈ کی جانب سے کوئی نیا ترقیاتی کام نہیں کیا گیا ہے۔
یہ بھی پڑھیں: ڈی سی بڈگام نے ترقیاتی کاموں کی پیش رفت کا جائزہ لیا
گوتم پردھان نے انتباہ دیا کہ اگر بی جے پی حکومت نے ضلع پنچایت چیئرمین کو تبدیل نہیں کیا تو پارٹی احتجاج کرے گی اور ضلع پنچایت میں دھرنے کے ساتھ ساتھ ضلع مجسٹریٹ کے پاس بھی شکایت درج کروائی جائے گی۔
