ریاست اتر پردیش کے ضلع بریلی کے شاہی علاقے میں واقع ہلدی کلا گاؤں کے ناگا بابا مندر کے پجاری کو پیٹ پیٹ کر ہلاک کرنے کا معاملہ سامنے آیا ہے۔ پولیس کو سادھو کی لاش گاؤں کے باہر جھاڑیوں سے ملی ہے۔ بتایا جاتا ہے کہ 'سادھو یہاں کے قدیم مندر میں 25 برسوں سے رہ کر پوجا کرتے تھے۔
ہفتے کی دیر رات کچھ لڑکوں نے گاؤں والوں کو بتایا کہ 'مندر کے قریب پجاری کے ساتھ کوئی بدسلوکی کر رہا ہے۔ اطلاع پر گاؤں والے موقع پر پہنچ گئے۔ وہاں بابا سورج نہیں ملے۔ اس کے بعد گاؤں والوں نے علاقے کے آس پاس تلاشی شروع کر دی۔ ساتھ ہی ڈائل 112 کو بھی اطلاع دی۔
یہ بھی پڑھیں: بارہ بنکی : شہر میں ہوئیں تین چوری کی واردات کا انکشاف
پولیس کو اس معاملے سے آگاہ کیا گیا۔ پولیس نے موقع پرپہنچ کر مندر سے کچھ فاصلے پر تالاب کے قریب جھاڑیوں سے لاش برآمد کی۔ پجاری کے جسم پر چوٹیں بھی پائی گئی ہیں۔ پوسٹ مارٹم رپورٹ کے مطابق ان کی پسلیاں بھی ٹوٹی ہوئی ہیں اور سر پر بھی چوٹ لگی ہے۔ دیہی ایس پی کے مطابق قتل کا مقدمہ درج کرلیا گیا ہے اور ملزم کی تلاش شروع کردی گئی ہے۔
