گریٹر نوئیڈا کے سیکٹر ون اور ٹو میں فائبر لائنز بچھانے کے بعد سڑک کی مرمت نہ کرنے پر گریٹر نوئیدا اتھارٹی نے جیو ڈیجیٹل اور ایئرٹیل پر جرمانہ عائد کیا ہے۔
گریٹر نوئیڈا اتھارٹی نے دونوں کمپنیوں کے خلاف یہ کارروائی سڑکوں کو نقصان پہنچانے اور آپٹیکل فائبر لائن بچھانے کے بعد سڑک کی مرمت نہ کرنے کی وجہ سے کی ہے۔ ٹوٹی ہوئی سڑکوں کی وجہ سے شہریوں کو شدید پریشانی کا سامنا کرنا پڑرہا ہے جس کی وجہ سے وہ بار بار اتھارٹی سے شکایت کررہے تھے۔
گریٹر نوئیڈا میں موبائل اور براڈ بینڈ نیٹ ورک کو مزید بہتر بنانے کے لیے ایئرٹیل اور جیو ڈیجیٹل کمپنی کی جانب سے آپٹیکل فائبر لائن بچھائی جارہی ہے۔
جیو ڈیجیٹل فائبر پرائیویٹ لمیٹیڈ کمپنی گریٹر نوئیڈا کے سیکٹر بیٹا ون اور ٹو میں فائبر لائن بچھارہی تھی۔ کمپنی کی جانب سے سڑک کے قریب لائن بچھائی جارہی تھی جس کی وجہ سے سڑک خراب ہوگئی۔ اس کی وجہ سے اتھارٹی کی جانب سے فراہم کردہ دیگر خدمات کو بھی نقصان پہنچا۔ سڑک ٹوٹی ہونے کی وجہ سے مکین اور راہ گیروں کو پریشانیوں کا سامنا کرنا پڑرہا ہے۔
گریٹر نوئیڈا اتھارٹی کے سی ای او نریندر بھوشن کی ہدایات پر کمرشیل ڈپارٹمنٹ نے جیو ڈیجیٹل کمپنی پر 20 لاکھ روپے جرمانہ عائد کیا ہے۔ اسی طرح ایئرٹیل وینڈر ٹیلی سونی ورک نیٹ ورک لمیٹیڈ بھی سیکٹر بیٹا ون اور ٹو میں لائنیں بچھا رہا تھا جس کی وجہ سے سڑک خراب ہوگئی۔ اتھارٹی نے اسے ٹھیک کرنے کے لیے کہا لیکن کوئی اثر نہیں ہوا۔ اتھارٹی نے میسرز ٹیلی سونی نیٹ ورک پر 20 لاکھ روپے جرمانہ بھی عائد کیا ہے۔
دونوں کمپنیوں سے کہا گیا ہے کہ وہ جرمانے کی رقم 15 دن کے اندر اتھارٹی کے اکاؤنٹ میں جمع کرائیں۔ مقررہ مدت میں جرمانے کی رقم جمع نہ کروانے پر قانونی کارروائی کی وارننگ دی گئی ہے۔
