Encounter in Muzaffarnagar: مظفر نگر انکاؤنٹر میں شاطر لٹیرا گرفتار، لوٹا گیا سامان برآمد

مظفر نگر پولیس نے انکاؤنٹر میں شاطر لٹیرا کو گرفتار کرلیا ہے اور اس کے پاس سے لوٹا گیا سازوسامان بھی برآمد کرلیا گیا ہے۔ Muzaffarnagar Police Encounter

مظفرنگر: ریاست اترپردیش کے ضلع مظفرنگر کی نئی منڈی تھانہ علاقے کی پولیس اور بدمعاشوں کے مابین ہوئے تصادم میں ایک شاطر لٹیرا پولیس کی گولی لگنے سے زخمی ہوگیا جس کو پولیس نے علاج کے لیے ضلع اسپتال بھیج دیا۔ پکڑے گئے شاطر لٹیرے کے قبضے سے پولیس نے ساڑھے دس ہزار پانچ سو روپے نقد تقریباً ڈیڑھ لاکھ روپے کے زیور لوٹا ہوا موبائل غیرقانونی اسلحہ چوری شدہ موٹر سائیکل برآمد کی ہے۔ Robber Arrested in Muzaffarnagar Encounter Robbery Equipment Recovered

آپ کو بتادیں کہ مظفرنگر کی نئی منڈی تھانہ علاقے کے گاندھی کالونی میں چھ دسمبر کو ایک مکان میں بدمعاشوں نے دھاوا بول کر خاندان کو پر غمال بناکر لاکھوں کی لوٹ کی واردات کو انجام دیا تھا۔ اس لوٹ کی واردات کے خلاصے کے لیے مظفرنگر ایس ایس پی نے پانچ ٹیموں کو تشکیل دی تھی اس لوٹ میں ملوث چار ملزمان کو پولیس نے پہلے ہی گرفتار کر کے جیل بھیج دیا تھا۔

پولیس کے مطابق ان میں سے ایک لٹیرا فرار چل رہا تھا جس کو آج پولیس نے انکاؤنٹر کے دوران گرفتار کر لیا۔ جس کے قبضے سے پولیس نے لوٹا گیا سامان بھی برآمد کر لیا ہے۔ انکاؤنٹر کی اطلاع ملتے ہی مظفرنگر ایس ایس پی بھی موقع پر پہنچ گئے۔