ضلع میں حکومت کی ڈائریکشن کے مطابق، امن و امان، جرائم پر قابو پانے اور ترقیاتی پروگراموں میں تیزی لانے کے مقصد کی تکمیل کے لیے پرنسپل سکریٹری اور ضلع نوڈل آفیسر ایس رادھا چوہان کی سربراہی میں کلیکٹریٹ کے آڈیٹوریم میں ایک اہم اجلاس منعقد ہوا۔
ضلعی سطح کے افسران کو ہدایت دی گئی کہ تمام افسران 'ایکشن پلان' تیار کریں اور اسے حتمی شکل دیں تاکہ حکومت کی منشا کے مطابق ضلع گوتم بودھ نگر میں امن و امان معیارات کے مطابق رہے اور جرائم پر قابو پانے کے لئے موثر کارروائی کی جائے۔
اسی طرح، تمام محکمہ جاتی افسران کو معیار کے مطابق مقررہ مدت کے اندر جاری ترقیاتی پروگراموں کی تکمیل کو یقینی بنانا چاہئے۔
مستفید افراد پر مبنی اسکیموں کے سلسلے میں ضلع نوڈل آفیسر ایس رادھا چوہان نے کہا کہ 'متعلقہ محکمہ جاتی افسران اپنے اپنے علاقوں میں وسیع پیمانے پر تشہیر کرتے ہوئے ضرورت مندوں تک حکومت کے تحت چلائے جانے والے انفرادی فائدہ مند اسکیموں کو پھیلانے کے لئے کارروائی کو یقینی بنائیں گے۔'
انہوں نے کہا کہ 'اس کام میں کسی قسم کی کوتاہی نہیں کی جانی چاہئے تاکہ حکومت کی منشا کے مطابق تمام اسکیموں کا فائدہ عوام کو آسانی سے میسر ہو سکے۔'
انچارج آفیسر کی جانب سے ضلع کے امن و امان اور جرائم پر قابو پانے کے سلسلے میں جائزہ اجلاس منعقد کرتے ہوئے انہوں نے کہا کہ 'سرکار کی ڈائریکشن کے مطابق 'لینڈ مافیا' کے خلاف مسلسل کارروائی کو یقینی بنایا جائے۔
انہوں نے کہا کہ 'متعلقہ افسران پر خصوصی توجہ دے کر خواتین کے جرائم پر بھی قابو کو یقینی بنائیں۔
انہوں نے ضلع کی ٹریفک کو ہموار بنانے کے بارے میں بھی تفصیلی تبادلہ خیال کیا اور اس سلسلے میں متعلقہ حکام کو ضروری ہدایات دیں۔ جرائم پر قابو پانے کی ہدایت دی گئی۔
