رامپور کی جامع مسجد کمیٹی کے سکریٹری مکرم رضا خاں عناعتی نے نماز جمعہ کے بعد نرسنگھاننگ سرسوتی کے خلاف مذمتی قرارداد پڑھ کر سنائی جس کی تمام مصلیوں نے ہاتھ اٹھاکر تائید کی۔
مذمتی قرارداد میں پیغمبر اسلامﷺ کی شان اقدس میں گستاخی کرنے والے نرسنگھانند سرسوتی کے خلاف ابھی تک کسی قسم کی کوئی قانونی کارروائی نہ کرنے کی سخت مذمت کی گئی اور نرسنگھانند سرسوتی کے خلاف سخت قانونی کارروائی کرنے کا مطالبہ کیا گیا۔
قرارداد میں مزید کہا گیا کہ نرسنگھانند سرسوتی نے ملک کے پرامن ماحول کو بگاڑنے کی کوشش کی ہے، اس لیے اس کے خلاف ملک سے غداری کا مقدمہ درج کیا جانا چاہئے۔ جامع مسجد میں ہزاروں فرزندان توحید نے قرارداد کی تائید کی۔
سکریٹری جامع مسجد کمیٹی
واضح رہے کہ گذشتہ دنوں اترپردیش کے ڈاسنہ مندر کے ایک مہنت نرسنگھانند سرسوتی نے پیغمبر اسلامﷺ کی شان اقدس میں گستاخانہ کلمات کہے تھے جس کے خلاف ملک بھر میں ایف آئی آر درج کرنے کے سلسلہ جاری ہے۔
