اترپردیش کے نوئیڈا کے 'سپرٹیک ایکو ولیج' کے سینکڑوں افراد کئی برسوں سے فلیٹ رجسٹری کی مانگ کر رہے ہیں۔ اب سپرٹیک ولیج کے مکینوں نے بلڈر کے خلاف محاذ کھول دیا ہے جبکہ سینکڑوں رہائشی رجسٹری کا مطالبہ کرتے ہوئے سڑک پر اتر آئے، پولیس نے موقع پر پہنچ کر لوگوں کو منتشر کردیا۔
ایکو ولیج -1 کے سینکڑوں باشندے اپنی فلیٹ رجسٹری کا مطالبہ کرتے ہوئے ہنومان گول چکر کے قریب جمع ہوئے۔ جہاں مشتعل خریداروں نے سپر ٹیک چور اور مردہ آباد کے نعرے لگائے جس کی وجہ سے ٹریفک بھی متاثر ہوئی۔ اطلاع ملنے پر پولیس اسٹیشن انچارج انیتا چوہان پولیس فورس کے ساتھ موقع پر پہنچ گئی۔مقامی خریدار وجے بگھیل کا کہنا ہے کہ' سپرٹیک رجسٹری کے لیے تیار نہیں ہے ہم گریٹر نوئیڈا اتھارٹی سے درخواست کرتے کرتے تھک گئے۔
مزید پڑھیں: نئی دہلی: جمنا ندی میں نہانے گئے تین بچوں کی ڈوبنے سے موت
انہوں نے کہا کہ اتھارٹی پر بھروسہ کرتے ہوئے ہم بلڈر اور عہدیداروں کے ساتھ میٹنگ میں شامل ہوئے، لیکن بلڈر نے اتھارٹی کی رقم ادا کرنے سے انکار کردیا۔ اتھارٹی سپرٹیک بلڈر کے کئی سو کروڑ کی مقروض ہے۔
