گزشتہ برس کے موازنہ میں رواں برس سفر حج کے لیئے درخواست کرنے والے تمام عازمین حج کو مکہ اور مدینہ کی زیارت نصیب ہوگی۔ کئی دہائیوں بعد یہ پہلا موقع ہے کہ جب حج کرنے کے خواہش مند تمام عازمین کا نام سفر حج کے لیئے طے ہو گیا ہے۔ وجہ ہے کہ اتر پردیش سے طےشدہ سیٹوں سے کم عازمین نے حج کے لیئے فارم جمع کیا تھا۔
صوبائی سطح پر اگر بات کریں تو اتر پردیش میں رواں برس سنہ 2020ء کے لیے 28 ہزار 63 عازمین نے حج پر جانے کے لیئے درخواست فارم بھرا ہے اور سبھی کے نام حتمی ہیں۔ جبکہ گزشتہ برس سنہ 2019ء میں تقریباً 34 ہزار 397 عازمین حج نے درخواست کیا تھا۔ نتیجہ یہ ہوا کہ قوعہ اندازی یا لاٹری سسٹم کے ذریعے طے سیٹوں کے مطابق عازمین ہی سفر حج پر جا سکے تھے۔ اگر بریلی ڈویژن کی بات کریں تو سنہ 2019ء میں 1836 عازمین ہی حج کے مقدس سفر پر گئے تھے، جس میں بریلی سے 1072 عازمین شامل ہوئے تھے۔ جبکہ سنہ 2020ء میں ڈویژن سے 1565 عازمین نے درخواست کی ہے اور اِن سبھی عازمین کا نام حتمی ہو گیا ہے۔ ان میں 924 عازمین بریلی ضلع سے شامل ہونگے۔
سعودی حکومت نے بھارت کے عازمین کے لیئے ایک لاکھ 75 ہزار کے کوٹے میں اضافہ کرکے دو لاکھ کر دیا تھا۔ حکومتِ ہند اگر سفر حج سستی اور آسان پالیسی بنا دیتی تو کم درخواستوں کو مسئلہ پیدا نہیں ہوتا۔ یہاں بتا دیں کہ اس برس سنہ 2020ء میں حج کے مقدس سفر کے لیئے ایک لاکھ 60 ہزار عازمین حج سرکاری حج کمیٹی سے جائیں گے، جبکہ بقیہ تقریباً 40 ہزارعازمین پرائیویٹ ٹور سے سفر حج پر جائیں گے۔
