ریاست اترپردیش کے ضلع گوتم بدھ نگر میں 54 مریضوں نے کورونا وائرس سے جنگ جیت لی ہے اور 49 مریض ابھی بھی زیر علاج ہیں۔ یعنی 50 فیصد سے زیادہ مریض صحت یاب ہو چکے ہیں۔
گوتم بود نگر ضلع مجسٹریٹ سہاس ایل وائی نے ٹویٹر اکاؤنٹ سے ٹویٹ کرتے ہوئے اس اطلاع کو شیئر کی اور کہا کہ 'ضلع میں کورونا مریضوں کے مقابلے میں صحت یاب مریض زیادہ ہیں۔ واضح رہے کہ گوتم بدھ نگر اترپر دیش کا پہلا ضلع ہے جہاں ٹھیک ہوئے مریضوں کی تعداد کورونا مریضوں سے زیادہ ہے۔
گوتم بودھ نگر ضلع میں، 24 گھنٹوں میں کوئی مریض کورونا سے متاثر نہیں ہوا ہے۔ تمام 87 افراد کی رپورٹ منفی آئی ہے۔ ضلع میں کورونا متاثروں کی تعداد 103 ہے۔ ضلع میں اس وقت 33 ہاٹ اسپاٹ ہیں۔
یہ خیال کیا جاتا ہے کہ اس طرح کے قریب 6 علاقے ایسے ہیں جنہیں گرین علاقوں میں تبدیل کیا جا سکتا ہے۔ پچھلے 3 ہفتوں سے کوئی نیا انفیکشن نہیں پایا گیا ہے۔ 28 دن مکمل ہونے کے بعد، انہیں گرین زون میں تبدیل کردیا گیا ہے۔
