جن لوگوں نے یہ ویڈیو شیئر کئے ہیں انھوں نے اس میں لکھا ہے کہ ' کاشی وشوناتھ مندر سے گنگا ندی تک جانے والی سڑک کشادہ کرنے کے لیے وزیراعظم مودی نے 80 مسلم گھروں کو خرید لیا ہے۔ اور خریدے جانے کے بعد جب ان گھروں کو صاف کرنا شروع کیا گیا تو ان گھروں سے 45 پرانے مندر برآمد ہوئے۔
واضح رہے کہ کاشی وشوناتھ کاریڈور پروجیکٹ کو وزیراعظم نریندر مودی کا ڈریم پروجیکٹ بتایا جاتا ہے۔
اس پروجیکٹ کے تحت حکومت چاہتی ہے کہ گنگا ندی کے کنارے پر واقع للیتا گھاٹ سے لے کر کاشی وشوناتھ مندر تک جانے والا راستہ کشادہ کرکے اسے صاف ستھرا اور خوبصورت بنایا جاسکے تاکہ جو بھی عقیدت مند وہاں آتے ہیں انھیں بہتر سہولیات فراہم کی جا سکیں۔
اس گزشتہ دنوں میں اس پروجیکٹ سے منسلک ویڈیوز اور تصاویر جو سوشل میڈیا سائٹ فیس بک اور ٹویٹر پر شیئر کیے گئے ہیں وہ فرضی ہیں۔
