ریاست اترپردیش کے ضلع گوتم بدھ نگر کے نوئیڈا میں سرکاری راشن کی دکانوں پر سماجی دوری کے ساتھ راشن تقسم کی گئی۔
کوویڈ 19 کی عالمی وبا سے عوام کو تحفظ فراہم کرتے ہوئے نوئیڈا کے ضلع عہدیدار مختلف سطحوں پر کارروائی کو یقینی بنا رہے ہیں ۔
اسی ضمن میں آج سے ضلع کی تمام سرکاری راشن دکانوں پر راشن کی تقسیم کی جارہی ہے۔
جس کے تحت سوشل ڈیسٹینسنگ اور سینیٹایزیشن یعنی صفائی ستھرائی کو یقینی بنا کر راشن تقسیم کا سلسلہ شروع کیا گیا ہے۔
افسران ضلع مجسٹریٹ کی ہدایت پر اپنے اپنے علاقوں میں راشن تقسیم کررہے ہیں۔
ڈسٹرکٹ سپلائی آفیسر راج نارائن یادو نے نوئیڈا کے بھنگیل اور گریٹر نوئیڈا کے بغض علاقے کا دورہ کرکے حفاظتی انتظامات اور اقدامات کا جائزہ لیا۔
عہدیداروں کے دورے کے دوران راشن دکانداروں کو ضروری ہدایات بھی فراہم کی جارہی ہیں اور تمام شہریوں کو بھی اس سے آگاہ کیا جارہا ہے۔
