پولیس نے بتایا کہ سنبھل کے حیات نگر تھانہ کی پولیس بدھ کی شب میں ووینا گاؤں کے نزدیک چیکنگ کررہی تھی، اسی دوران پولیس کو ایک بولیرو کار آتی ہوئی نظر آئی، جسے پولیس نے رکنے کا اشارہ کیا لیکن گاڑی رکنے کے بجائے تیز رفتار سے جانے لگی۔
پولیس نے گھیرا بندی کی تو بدمعاش گاڑی سے اتر کر فائرنگ کرنے لگے، جس کے جواب میں پولیس نے بھی فائرنگ کی۔
دونوں جانب سے ہوئی فائرنگ میں سپاہی راہل زخمی ہوگیا، اور بدمعاش کے پیر میں بھی گولی لگی۔
انہوں نے بتایا کہ زخمی بدمعاش کو پولیس نے گرفتار کرلیا ہے، جبکہ اس کے دو ساتھی فرارہونے میں کامیاب ہوگئے۔
گرفتار کیا گیا بدمعاش معروف، جانور سمگلر اور گینگسٹر ایکٹ میں مطلوب تھا، جو کوتوالی سنبھل کے گاؤں نوریا سرائے کا رہائشی ہے۔
اس نے بتایا کہ فرار ہونے والے اس کے دونوں ساتھی ارشد اور فہیم ہیں، جو ابھی بھی پولیس کی گرفت سے باہر ہیں۔
