بجنور: کورونا وائرس کے معاملات میں تیزی سے اضافہ

ریاست اترپردیش کے ضلع بجنور میں روز بروز مریضوں کی تعداد میں اضافہ ہو نے سے عوام میں سراسیمگی کا ماحول ہے۔

گذشتہ روز بجنور کے نگینہ علاقے میں 11 نئے کورونا انفیکشن مریض ملنے کے بعد انتظامیہ نے اسے ہاٹ اسپوٹ قرار دے دیا ہے-

انتظامیہ کی جانب سے سبھی متاثرہ افراد کو ٹی ایم یو مراد آباد سپتال کے آئسولیشن وارڈ میں داخل کرا دیا ہے۔

اس کے علاوہ محکمہ صحت و انتظامیہ نے کورونا وائرس متاثرہ علاقے کو ریڈ زون قرار دے دیا ہے اوراس بارے میں اعلان بھی کیا ہے-

بجنور ضلع میں کورونا سے متاثرہ مریضوں کی تعداد میں مسلسل اضافہ کو لے کر انتظامیہ بے حد پریشان ہے۔