ریاست اترپردیش کے ضلع گونڈا میں ریاستی وزیر رامپتی شاستری کے پی آر او وید پرکاش دوبے کو موبائل پر ایک پیغام ارسال کر کے ایک کروڑ روپے کی وصولی کا مطالبہ کیا اور رقم نہ دینے پر گولی مارنے کی دھمکی بھی دی گئی ہے۔
اس معاملے میں وزیر کے پی آر او وید پرکاش دوبے کی تحریر پر پولیس نے نواب گنج تھانے میں مقدمہ درج کرکے تفتیش شروع کردی ہے۔
پولیس کو دی گئی شکایتی تحریر میں 26 اگست کو دن میں گیارہ بجے وید پرکاش دبے کے موبائل پر اس دھمکی کا پیغام آیا تھا، اور کچھ دیر بعد ایسی نمبر سے فون بھی آیا تھا۔
اس سلسلے میں جب سپرنٹنڈنٹ پولیس راجکرن نیئر سے بات کی گئی تو انہوں نے کہا کہ سماجی بہبود کے وزیر رامپتی شاستری کے پی آر او وید پرکاش دوبے کے موبائل فون پر ایک کروڑ روپئے کا مطالبہ کیا گیا ، جس کے بعد پولیس نے وید پرکاش دوبے کی شکایت پر نواب گنج تھانے میں مقدمہ درج کرکے قانونی کارروائی میں مصروف ہوگئے ہیں اور ملزمان کی گرفتاری کے بعد جلد از جلد کارروائی کی جائے گی۔
