ریاست اترپردیش کے رامپور اور آس پاس کے علاقوں میں سماجوادی پارٹی کے کارکنان کی گرفتاریوں کے دوران پولیس نے عام راہگیروں کی بھی پٹائی کردی۔
جب پولیس رکن پارلیمان آعظم خان کے بیٹے و رکن اسمبلی عبداللہ آعظم اور ان کے حامیوں کو گرفتار کرنے ان کی رہائش گاہ کے نزدیک پہنچی تب پولیس نے ایک عام راہگیر کو اپنے ڈنڈے سے اسے پیٹ پیٹ کر لہولہان کر دیا۔
معمر شہری بری طرح زخمی
اشرف علی نامی عمر رسیدہ شخص کسی کام کے لیے اس راستے سے اپنی سائیکل کے ذریعے گزر رہے تھے تب ھی پولیس نے ان پر ڈنڈے برسانا شروع کر دئے جس سے وہ بری طرح زخمی ہو کر وہیں گرگئے اور ان کی سائیکل بھی ٹوٹ گئی۔
