کہتے ہیں کہ دنیا میں وہی قوم کامیابی حاصل کرتی جو وقت کے چیلنجز کا مقابلہ کرنے کے لیے جدید ذرائع کو اپناتے ہوئے آگے بڑھے۔
کچھ ایسی ہی مثال قائم کی ہے رامپور میں واقع المصباح قرآن لرننگ سینٹر نے۔ یہ سینٹر خصوصی طور پر خواتین اور لڑکیوں میں دینی بیداری پیدا کرنے کے مقصد سے تقریباً 8 برسوں سے اپنی تعلیمی سرگرمیوں کو انجام دے رہا ہے۔
موجودہ وقت میں کورونا وائرس کی روک تھام کے لیے نافذ کئے گئے لاک ڈاؤن میں سینٹر سے منسلک خواتین نے قرآن سے اپنے رشتہ کو مضبوط بنائے رکھنے اور رمضان المبارک میں اس سے بھرپور استفادہ کے لیے زوم ایپلکیشن کے ذریعہ آن لائن کلاسز کا فیصلہ کیا۔
معروف عالمہ مومنہ مصباح صالحاتی نے روزانہ دو گھنٹے قرآن مجید کا درس دے کر خواتین کے جذبہ ایمانی کو بیدار کیا۔
اس آن لائن کلاسز میں تقریباً 120 خواتین اور لڑکیوں نے پوری دلچسپی کے ساتھ نہ صرف شرکت کی بلکہ خواہش ظاہر کی کہ رمضان کے بعد بھی یہ سلسلہ جاری رہے۔
رامپور سے مومنہ مصباح نے جہاں قرآن کا درس دیا تو وہیں ان کی دو بہنیں مرادآباد سے فاطمہ مصباح اور علی گڑھ سے اسماء مصباح نے خواتین اور لڑکیوں کو ان کلاسیز سے جوڑنے میں اہم کردار ادا کیا۔
پاندی سے اس آن لائن کلاسیز میں شامل ہونے والی طالبات کو اعزازی سرٹیفیکیٹ سے بھی نوازا گیا، 25 اپریل سے 23 مئی تک منظم انداز میں چلنے والی یہ کلاسیز محترمہ امامہ سلمیٰ ناظمہ خواتین جماعت اسلامی علیگڑھ کی زیر نگرانی پایہ تکمیل کو پہنچی۔
