رامپور: پولیس نے غیر قانونی شراب بر آمد کی

ریاست اترپردیش کے رامپور ضلع کی ملک تحصیل علاقے میں گاڑیوں کی چیکنگ کے دوران پولیس کو بڑی کامیابی ہاتھ لگی ہے۔ پولیس نے ایک کینٹر گاڑی سے بڑی مقدار میں غیر قانونی انگریزی شراب برآمد کرنے کا دعویٰ کیا ہے۔

رامپور کے تھانہ ملک پولیس نے گاڑیوں کی چیکنگ کے دوران بڑی مقدار میں غیر قانونی انگریزی شراب برآمد کرنے کی اطلاع دی ہے۔

رامپور کے ایڈیشنل ایس پی کے مطابق ملک تھانہ پولیس نے دھرم پورہ موڑ پر گاڑیوں کی چیکنگ مہم کے دوران آئیشر کینٹر نمبر UP19T-4210 کو چیک کیا تو کینٹر میں لوڈ واشنگ پاؤڈر (ہوم لائٹ) کے نیچے غیر قانونی طریقہ سے چھپائی گئی 130 پیٹی انگریزی شراب برآمد ہوئی۔

انگریزی شراب میں سے 75 پیٹی میک ڈاول، 40 پیٹی بلیک سلیکٹ وہسکی اور 15 پیٹی امپیریل بلیو کی برآمد ہوئی۔

چیکنگ کے دوران آئیشر کینٹر ڈرائیور موقع سے فرار ہو گیا۔ پولیس نے کینٹر کو اپنے قبضہ میں لیکر قانونی کارروائی شروع کردی ہے۔