بارہ بنکی: ریلوے وینڈرس معاشی بحران کا شکار

ریاست اتر پردیش کے بارہ بنکی ریلوے اسٹیشن کے وینڈرس کووڈ-19 کی وجہ سے مزید پریشانی میں ہیں۔ ٹرینیں کم ہونے کی وجہ سے ان کے سامانوں کی فروخت نہیں ہو رہے ہیں۔

ایسے میں ریلوے نے انہیں دکان کھولنے کا حکم دے دیا ہے، جس کی وجہ سے دوکان کھولنا ان کے لیے مجبوری ہو گئی ہے۔

ایک وقت تھا کہ جب بارہ بنکی ریلوے جنکشن سے دن میں سینکڑوں کی تعداد میں ٹرینیں گزرتی تھیں، لیکن اس وقت کل چھ ٹرین ہی گزر رہی ہیں۔

ان میں سے زیادہ تر ٹرین رات کی ہیں، جس کی وجہ سے ریلوے وینڈرس کا کاروبار برباد ہو گیا ہے۔

دراصل رات میں ٹرین سے مسافر اترنا پسند نہیں کرتے ہیں۔ دوسرے کووڈ-19 کی وجہ سے مسافر پرہیز بھی کر رہے ہیں۔

اسلیے ریلوے وینڈرس جو کبھی اچھا منافع کماتے تھے۔ آج پریشانی میں ہیں۔

بارہ بنکی کے تمام پلیٹ فارمز پر تقریباً ایک درجن وینڈرس ہیں۔ ان کو ریلوے نے اپنی دکان کھلی رکھنے کا حکم دیا ہے۔

ریلوے وینڈرس کو مجبوراً رات میں دکان کھولنی پڑ رہی ہے۔ اس طرح انہیں مزید نقصان ہو رہا ہے۔

مجبوری یہ بھی ہے کہ انہیں دوکان کھولنا لازمی ہے اور وہ دوسرا کام کر بھی نہیں سکتے ہیں۔