لکھنؤ: اترپردیش کے دارالحکومت لکھنؤ میں میں راحت انسانیت فاؤنڈیشن کی جانب سے غریبوں کے درمیان گزشتہ 20 برسوں سے ضروری اشیا مسلسل تقسیم کی جا رہی ہیں۔ راحت انسانیت فاؤنڈیشن کے سربراہ چاند قریشی نے ای ٹی وی بھارت سے خاص بات چیت کرتے ہوئے کہا کہ مہنگائی اور بے روزگاری سمیت دیگر مسائل عوام کے سامنے ہیں، یہی وجہ ہے کہ غریب عوام کو تہوار کے دوران اور زیادہ مشکلات کا سامنا کرنا پڑتا ہے۔ ایسے میں ہم ضرورت مند مساکین اور غریب کے مابین ضروری اشیا تقسیم کرتے ہیں، جس میں ضرورت کی چیزیں موجود ہوتی ہیں۔ Rahat e Insaniyat Foundation Distribute Eid Kits
انہوں نے کہا کہ اب غریبوں کے مابین رقم بھی تقسیم کی جا رہی ہے۔ جو ان کی ضرورتوں کو پورا کرے گی۔ انہوں نے مزید کہا کہ ہم اپنی خوشی کو تو ضرور دیکھتے ہیں تاہم اپنے آس پاس رہنے والے غریب مساکین کی خوشیوں کو نظرانداز کر دیتے ہیں۔ سماج کو چاہیے کہ ایک دوسرے کی مدد کریں تاکہ انسانی تقاضے پورے ہو سکیں۔ Rahat e Insaniyat Foundation
انہوں نے کہا کہ گزشتہ 20 برسوں سے ہم بلاتفریق ملت و مذہب غریب مساکین اور ضرورتمندوں کے مابین ضروری اشیا تقسیم کر رہے ہیں، لاک ڈاؤن کے بعد سے اس کام میں مزید تیزی آئی ہے اور اب تک جاری ہے۔ انہوں نے کہا کہ اس سے نہ صرف غریب اور ضرورت مندوں کی ضرورت پوری ہو رہی ہے بلکہ آپسی بھائی چارہ اور گنگا جمنی تہذیب کو بھی فروغ ملا ہے۔ ہم کسی کی بھی ذات ومذہب کے نام پر تفریق نہیں کرتے۔ سبھی کی مدد کرتے ہیں۔ Rahat Insaniyat Foundation
