سہارنپور: کانگریس پارٹی Congress Party چھوڑ کر سماج وادی پارٹی Samajwadi Party کا دامن تھام چکے سابق رکن اسمبلی اور علاقہ کے قدآور رہنما عمران مسعود کو ٹکٹ نہ ملنے کو لے کر چل رہی ناراضگی آخرکار سماج پارٹی کے رہنماؤں اور سابق وزیر اعلیٰ اترپردیش اکھلیش یادو سے ملاقات کے بعد دور ہوگئی ہے۔
سماجوادی پارٹی اعلیٰ کمان نے عمران مسعود کے قریبی ڈاکٹر راغب انجم کو گذشتہ دیر شام سہارنپور کا ضلع صدر منتخب کیا ہے۔ اس دوران ضلع دفتر پر کارکنان نے ان کا زور دار استقبال کیا۔
راغب انجم کو سماج وادی پارٹی کا ضلع صدر منتخب کیا ہے۔ راغب انجم عمران مسعود کے قریبی ہیں۔ انہوں نے ذمہ داری دیے جانے پر پارٹی کا شکریہ ادا کیا اور کہا کہ پارٹی نے انہیں جو ذمہ داری سونپی ہے اسے وہ پوری دیانتداری کے ساتھ نبھائیں گے۔
انہوں نے کہا کہ اس بار اسمبلی الیکشن میں سماجوادی پارٹی کو کامیاب بناکر اکھلیش یادو کو وزیر اعلی بنائیں گے۔
