لکھنئو: یوم جمہوریہ کے موقع پر خواتین کا آئین بچانے کا عزم

ملک بھر میں یوم جمہوریہ کے موقع پر جشن منایا جارہا ہے، وہیں دارالحکومت لکھنئو میں گذشتہ 10 دنوں سے سی اے اے اور این آر سی کے خلاف مظاہرہ کررہی خواتین نے تاریخی گھنٹہ گھر پرچم کشائی کی اور آئین بچانے کا عزم کیا۔

اس دوران ہزاروں خواتین نے لکھنئو کے تاریخی گھنٹہ گھر پر جھنڈا لہرایا اور قومی ترانہ کے ساتھ ہی قانون کے دیباچے کو بھی پڑھا گیا۔

لکھنئو یونیورسٹی کی سابق وائس چانسلر پروفیسر روپ ریکھا ورما نے کہا کہ آج ہم اس دور میں ہے جہاں ہمارے اپنے نظام کے لوگ پھوٹ ڈال کر بانٹنا چاہتے ہیں اور عوام مخالف کام کررہے ہیں۔

انہوں نے کہا کہ ہم شہیدوں اور قانون کی قسم کھاتے ہیں کہ اس قانون کو بچائیں گے اور منتشر نہیں ہوں گے۔