اتراکھنڈ کے شہر ہریدوار میں گزشتہ دنوں منعقد دھرم سنسد Dharma Sansad in Haridwar میں ملک کے اقلیتوں اور خاص طور پر مسلمانوں کے خلاف کی گئی زہر افشانی کو لے کر آج مرادآباد میں کمیونسٹ پارٹی کے کارکنان اور عہدیداروں نے احتجاج کیا اور حکومت سے دھرم سنسد میں شامل سبھی ہندو رہنماؤں کو گرفتار کرنے کا مطالبہ کیا۔
اس دوران بھارتی کمیونسٹ پارٹی کے عہدیداروں نے مرادآباد کے ڈی ایم کو صدر جمہوریہ کے نام ایک میمورنڈم بھی پیش کیا۔
اس ضمن میں مرادآباد کمیونسٹ پارٹی کے ضلع صدر روہتاش کمار راجپوت نے میڈیا سے بات کرتے ہوئے کہا کہ ملک میں کھلے عام نفرت پھیلانے والوں کے خلاف سخت کارروائی ہونی چاہئے۔
مزید پرھیں:
- Mujtaba Farooq on Dharam Sansad: 'دھرم سنسد میں دی گئی اشتعال انگیز تقریر ملک کی سلامتی کے لیے خطرہ'
انہوں نے کہا کہ دھرم سنسد میں ہندو رہنماؤں کی جانب سے کھلے عام اقلیتوں کو قتل کرنے کی دھمکی دی گئی لیکن حکومت کی جانب سے ان پر اب تک کوئی کارروائی نہیں کی گئی ہے اور نہ ہی کسی کی گرفتاری ہوئی ہے، اس لیے بھارتی کمیونسٹ پارٹی جمہوریہ سے مطالبہ کرتی ہے کہ دھرم سنسد میں شامل سبھی رہنماؤں کو گرفتار کیا جائے۔
