ریاست اترپردیش کے ضلع بہرائچ میں آج بہوجن کرانتی مورچہ کے کارکنان نے شہریت ترمیمی قانون کے خلاف احتجاج کیا ، اور ساتھ ہی 20دیگر مطالبات کو لے کر ضلع کلیکٹریٹ میں صدر جمہوریہ کے نام سٹی مجسٹریٹ کو میمورنڈم بھی پیش کیا۔
اس موقع سے مورچہ کے صدر کنہیا لال موریہ نے کہا کہ بھارت میں این آر سی، این پی آر ، اور سی اے اے کے خلاف عوام میں کافی غصہ ہے۔ حالانکہ یہ قانون بھارتے آئین کے بنیادی حقوق کو نقصان پہنچائے گا۔
شہریت ترمیمی قانون کے خلاف احتجاج۔ویڈیو
انہوں نے یہ بھی کہا کہ اس قانون کے ذریعے ملک کو مذہبی بنیاد پر تقسیم کیا جارہا ہے ،مرکزی حکومت نے اس ایکٹ کے ذریعے عوام میں بیچینی پیدا کردی ہے۔
اس لیے بہوجن کرانتی مورچہ آج احتجاج کے ذریعے صدر جمہوریہ سے مطالبہ کرتی ہے کہ اس غیر آئینی قانون کو منسوخ کیا جائے،اور ای، وی، ایم.مشین کو بند کرکے ملک کے سبھی انتخابات بیلٹ پیپر سے کرایا جائے-
