دیہی علاقوں میں سینیٹایزیشن اور آگاہی مہم

ملک میں بڑھتے ہوئے کورونا وائرس کے خدشات کے پیش نظر لاک ڈاؤن سے زندگی مفلوج ہوکر رہ گئی ہے ۔ معاشرے کا ہر طبقہ متاثر ہو رہا ہے۔اس مہلک وبا نے دیہاتوں کا بھی رخ کر لیا ہے۔

دیہی عوام کو مہلک کورونا وائرس کے انفیکشن سے بچانے اور ان کو تحفظ فراہم کرنے کے لیے پنچایت راج محکمہ نے بیداری پروگرام شرع کر دیا ہے۔

اس سلسلے میں ، چیف ڈویلپمنٹ آفیسر انیل کمار سنگھ کی ہدایت پر ، ضلع پنچایت راج آفیسر کنور سنگھ یادو اور ان کے افسران کی ٹیم ایک طرف دیہی علاقوں میں صاف صفائی (سینیٹایزیشن) مہم چلا رہی ہے تو دوسری طرف کورونا وائرس کے خطرات ،اس سے دفاع اور احتیاطی تدابیر کے بارے میں آگاہ کیا جارہا ہے ۔اس میں دادری بلاک کے تحت پنچایت راج محکمہ کے ملازمین کی ایک ٹیم کے ذریعہ گرام سبھا ترتارپور میں ایک وسیع پیمانے پر آگاہی پروگرام چلاتے ہوئے دیہی عوام کو کورونا وائرس سے بچاؤ کے لیے آگاہ کیا گیا۔