بارہ بنکی: خواجہ یونس کی برسی کے موقع پر تقریب منعقد

ریاست اتر پردیش کے ضلع بارہ بنکی کی علمی و ادبی شخصیت مرحوم خواجہ یونس کی دوسری برسی کے موقع پر پروگرام کا انعقاد کیا گیا۔ یہ پروگرام ارم ایجوکیشنل سوسائٹی کی جانب سے منعقد کیا گیا۔ اس موقع پر ان کے نام سے تعمیر کرائے گئے آڈیٹوریم میں سیمینار کا انعقاد کیا گیا۔ اس کے بعد شام کو شعری نشست کا اہتمام کیا گیا۔

بارہ بنکی شہر کے بیگم گنج واقع ارم کانونٹ انٹر کالج میں نو تعمیر خواجہ یونس آڈیٹوریم میں دوپہر بعد سیمنار کا انعقاد کیا گیا، جس میں تمام مقررین نے خواجہ یونس کی شخصیت و افکار اور کارہائے نمایاں پر تفصیل سے روشنی ڈالی۔

سیمینار کے دوسرے مرحلے میں مہمان خصوصی پولیس سپرنٹنڈنٹ یمونا پرساد نے خواجہ یونس آڈیٹوریم کا افتتاح کیا۔

اس کے بعد انہوں خواجہ یونس کے نام پر تیار کئے گئے پرچم کا اجراء کیا۔

اس موقع پر تقریب سے خطاب کرتے ہوئے پولیس سپرنٹنڈنٹ یمونا پرساد نے کہا کہ ہم لوگ اس شخصیت کے لئے آج یکجہ ہوئے، جس نے تعلیم کی ایک شمع جلائی تھی جو آج لوگوں کی زندگی کو روشن کر رہی ہے۔

انہوں نے کہا کہ تعلیم دینا کار خیر ہے۔ تعلیم انسان کا پیٹ بھی بھرتی ہے اور دماغ بھی۔

پروگرام کے آخر میں شعری نشست شروع ہوئی جو دیر رات تک چلتی رہی۔