اس موقع پر شعبہ کے بیشتر اساتذہ نے پروفیسر شمیم اختر صاحبہ کے ساتھ گزرے ہوئے لمحات کو یاد کیا اور انہیں خراج عقیدت پیش کیا۔
ڈاکٹر عقیل احمد نے ای ٹی وی بھارت سے بات کرتے ہوئے بتایا کہ 'پروفیسر شمیم اختر صاحبہ فارسی زبان و ادب میں ادب کے لئے ممتاز اور نمایاں شخصیت تھیں۔ ان کی دنیا سے رخصت ہونے پر پورے ادبی دنیا میں غم کی لہر ہے۔'
انہوں نے کہا کہ 'فارسی زبان و ادب میں جب بھی حوالہ دیا جاتا ہے تو حاضی کی کتاب کی طرف رجوع کرنے کو کہا جاتا ہے ایسے میں پروفیسر شمیم اختر کو حاضی پر کمال کی مہارت حاصل تھی اس لیے جب بھی فارسی زبان و ادب پر بات ہوگی تو پروفیسر شمیم اختر کو ضرور یاد کیا جائے گا۔'
پروگرام میں طلبہ و طالبات کے علاوہ اساتذہ اور فیکلٹی کے بیشتر ممبران موجود تھے۔
اس موقع پر شہر قاضی نے بھی شرکت کی اور پروفیسر صاحبہ کی خدمات کو یاد کرکے کہا کہ 'ایک خاتون کو فارسی زبان ادب میں ماہر مہارت حاصل کرنا یہ نہ صرف عوام کے لئے بلکہ پورے بنارس کے لیے قابل فخر ہے۔'
