جواہر لال نہرو میڈیکل کالج علیگڑھ مسلم یونیورسٹی کے فارما کولوجی شعبہ کے پروفیسر ضیاء الرحمن نے سما رنڈا، ایسٹ کیلی منٹن (بورنیو جزیرہ) میں ٹراپیکل اسٹڈیز پر منعقدہ تیسری بین الاقوامی کانفرنس میں "ٹراپیکل ادویاتی غذاؤں کے تحفظ" کے موضوع پر کلیدی خطبہ پیش کیا۔
کانفرنس میں پیش کیے گئے سائنسی پوسٹرز کو انہوں نے جج بھی کیا۔
انڈونیشیا کے اپنے دورہ پر پروفیسر ضیاء الرحمن نے مولا ورمن یونیورسٹی میں بطور مہمان مقرر علیگڑھ کےطبی ورثہ کے موضوع پر خطاب کیا۔
یونیورسٹی کی ریسرچ لیبارٹری کے سربراہ، کنسلٹنٹ نیورو سرجن ڈاکٹر ابراہیم نے پروفیسر ضیاء الرحمن کا تعارف کرایا، جبکہ اینٹن رحمدی (ایگریکلچر پروڈکٹ ٹکنالوجی شعبہ) نے نظامت کی۔ اس دوران اساتذہ اور طلبہ کثیر تعداد میں موجود رہے۔ خطبہ کے بعد سوال و جواب کا سیشن ہوا۔ پروفیسر ضیاء الرحمن نے یونیورسٹی کے مختلف شاخوں کا دورہ بھی کیا۔
انہوں نے اس کے علاوہ یونیورسٹی آف انڈونیشیا کی فیکلٹی آف میڈیسن کے فارماکالوجی شعبہ کے سربراہ ڈاکٹر واویملی اروزل اور دیگر اساتذہ سے ملاقات کی اور تبادلہ خیال کیا۔
