کانگریس کے جنرل سکریٹری پرینکا گاندھی نے ٹویٹ کر کے اترپردیش میں گندم کی خریداری پر یوگی آدیتہ ناتھ کی سرکار کو نشانہ بنایا ہے۔
پرینکا نے ٹوئٹ کر کہا ’’ خبروں کے مطابق یوپی میں اس سال کل گندم کے 14 فیصد پیداوار کی ہی سرکاری خرید ہوئی ہے۔ گاوٗں میں سینٹر بند ہیں اور کسانوں سے کم گیہوں خریدا جا رہا ہے‘‘۔
پرینکا گاندھی نے اپنے ٹوئٹ میں بتایا کہ انہوں نے وزیراعلی یوگی آدیتہ ناتھ کو ایک خط لکھ کر گندم کے کسانوں کے مسائل کو حل کرنے کی گزارش کی۔ انہوں نے پنجاب اور ہریانہ کی مثال پیش کرتے ہوئے کہا کہ ان ریاستوں میں کل پیداوار کی 80 سے 85 فیصد سرکار کے ذریعے خرید لیا جاتا ہے، جبکہ یوپی میں ابھی تک صرف 14 فیصد ہی سرکار کی طرف سے خریدا گیا ہے۔
پرینکا نے کہا کہ کورونا کی وجہ سے کسانوں کو بہت سی پریشانیوں کا سامنا کرنا پڑ رہا ہے۔ ایک کسان سے ایک بار میں زیادہ سے زیادہ 30 سے 50 کوئنٹل گندم ہی خریدا جا رہا ہے۔
مزید پڑھیں: Farmer Protest: کسان رہنما راکیش ٹکیت نے حکومت کو ایک پھر متنبہ کیا
ریاست میں کئی حصوں میں لگاتار بارش ہو رہی ہے، جس میں نمی کی وجہ سے گیہوں کے خراب ہونے کا خطرہ زیادہ ہے۔
پرینکا گاندھی نے وزیراعلی سے 15 جولائی تک کسانوں کے فصل کو خریدنے کا ریاستی سرکار سے گزارش کی ہے۔
