ریاست اتر پردیش کے بارہ بنکی میں پرتگیا یاترا کو جھنڈا دکھانے کے بعد صحافیوں سے بات چیت کرتے ہوئے کانگریس کی جنرل سکریٹری پرینکا گاندھی واڈرا نے کہا کہ کورونا کی دوسری لہر میں جو حالات پیدا ہوئے وہ کسی سے چھپے نہیں ہیں۔
انہوں کہا کہ امریکہ میں ویکسینیشن گزشتہ برس سے ہی شروع ہو گیا تھا۔ جب ویکسین ملک میں ہی تیار ہوئی تھی تو اتنی تاخیر کیوں ہوئی؟ ریاست میں کوئی ترقی نہیں ہوئی ہے۔ حکومت کہتی ہے کہ لا اینڈ آرڈر میں ملک بھر میں اتر پردیش ایک نمبر پر ہے۔ لیکن جو بھی اتر پردیش میں رہتا ہے وہ جانتا ہے، کیا حالات ہیں۔
یہ بھی پڑھیں: کشمیر کی حدبندی کے بعد انتخابات ہوں گے پھر ریاستی درجہ بحال ہوگا: امت شاہ
واضح رہے کہ بارہ بنکی کے ہرکھ بازار سے پارٹی کی پرتگیا یاترا کو روانہ کرنے سے پہلے واڈرا نے کہا کہ انصاف کو کچلنے کی حکومت کی کوششوں کو کامیاب نہیں ہونے دیا جائے گا۔
