پرینکا گاندھی آج ضلع بجنور کے شہر نہٹور پہنچیں اور 20 دسمبر کو شہریت ترمیمی قانون کے خلاف احتجاج کرتے ہوئے ہلاک ہوئے دونوں افراد کے اہل خانہ سے ملاقات کی اور انھیں ہر ممکن مدد دینے کا تیقن دیا۔
واضح رہے کہ 20 دسمبر جمعہ کی نمار کے بعد این آر سی اور سی اے اے کے خلاف احتجاج کیا گیا تھا۔ اسی دوران پولیس اور مظاہرین کے درمیان تصادم ہوگیا تھا۔
کانگریس جنرل سکریٹری پرینکا گاندھی
اس تعلق سے پرینکا گاندھی نے کہا کہ 'یہ قانون کسی بھی طرح سے ملک کے مفاد میں نہیں ہے، اس واقعہ میں جو لوگ ہلاک ہوئے ہیں وہ انتہائی بری حالت میں ہیں۔ اس پورے معاملے کی تحقیقات ہونی چاہیے۔'
پرینکا گاندھی نے مودی حکومت پر نکتہ چین کرتے ہوئے کہا کہ 'ملک کی جی ڈی پی کبھی اتنا نیچے نہیں گری اور یہ بل غریبوں کے خلاف ہے۔'
