وزیر اعظم نریندر مودی 20 اور 21 نومبر کو لکھنؤ (PM Modi in Lucknow) میں منعقد ہونے والی ڈائریکٹر جنرل آف پولیس (ڈی جی پی) اور انسپکٹر جنرل آف پولیس (آئی جی پی) کی 56 ویں کانفرنس میں شرکت کریں گے۔
تین روزہ دورے پر اتر پردیش آئے وزیر اعظم نریندر مودی نے جمعہ کی رات دارالحکومت لکھنؤ میں تین روزہ آل انڈیا ڈی جی کانفرنس (DG IGP Confrence) میں حصہ لیا۔
وزیر اعظم نریندر مودی (Prime Minister Narendra Modi) 19 نومبر کو بندیل کھنڈ کا دورہ کرنے کے بعد تقریباً 9:00 بجے لکھنؤ ہوائی اڈے پر پہنچے۔ وزیر اعظم 20 اور 21 نومبر کو بھی لکھنؤ میں رہیں گے۔
وزیر اعظم نریندر مودی آج یعنی 20 نومبر کو تقریباً 9:00 بجے سے شام 7:00 بجے تک کانفرنس میں موجود رہیں گے۔ اس کے بعد وہ 8:00 سے 9:00 بجے تک پولیس افسران کے ساتھ عشائیہ میں شرکت کریں گے۔ اگلے دن 21 نومبر کو پی ایم مودی صبح 9:00 بجے سے شام 4:00 بجے تک ڈی جی کانفرنس میں موجود رہیں گے۔ وزیر اعظم 20 نومبر کو راج بھون میں رات گزاریں گے۔ وہیں 21 نومبر کو ڈی جی کانفرنس کے بعد شام دیر گئے دہلی کے لیے روانہ ہوں گے۔
یہ بھی پڑھیں: PM Modi: پی ایم مودی کی مہوبہ آمد، آبپاشی پروجیکٹوں کا کیا افتتاح
قابل ذکر ہے کہ 19 نومبر کو وزیر اعظم نریندر نے مہوبا، ہمیر پور، باندا اور للت پور میں 3,240 کروڑ روپے کے ارجن سہایک پریوجنا، بھوانی باندھ پریوجنا، رتولی باندھ پریوجنا، مسگاؤں-چلی اسپرنکلر پریوجنا کا افتتاح کیا۔
اس کے بعد انہوں نے رانی لکشمی بائی کے یوم پیدائش (Rani Laxmibai birth anniversary) پر منعقدہ قومی دفاعی لگن میلے، جھانسی جلسہ کی اختتامی تقریب میں شرکت کی۔ یہاں پی ایم نے رانی لکشمی بائی کے مجسمے کی نقاب کشائی بھی کی۔
