وزیر اعظم نریندر مودی کے ضلع پریاگ راج میں مجوزہ دورے کے پیش نظر ضلع میں بورڈ کی جانب سے چلائے جارہے سبھی اسکولز 28اور 29 فرور ی کو بند رہیں گے۔
آفیشیل ذرائع نے منگل کو بتایا کہ ڈسٹرکٹ مجسٹریٹ بھنو چندر گوسوامی کی ہدایت پر ڈسٹرکٹ اسکولز انسپکٹر آر این وشوکرما نے اس ضمن میں حکم نامہ جاری کیا ہے۔
جاری بیان میں کہا گیا ہے کہ اس مدت میں ہونے والے سبھی امتحانات میں کوئی تبدیلی نہیں کی گئی ہے اور وہ اپنے وقت مقررہ پر منعقد ہوں گے۔
وشوکرما نے بتایا کہ بورڈ امتحان کے لئے جن ٹیچروں اور غیر تدریسی ملازمین کی ڈیوٹی لگائی گئی ہے وہ دونوں دن حاضر رہیں گے۔قابل ذکر ہے کہ 29 فروری کو وزیر اعظم نریندر مودی پریڈ میدان میں منعقد تقریب میں معذورین میں آلات تقسیم کریں گے۔
اس تقریب میں تقریبا 26 ہزار معذورین اور بزرگوں کو 59 ہزار معاون آلات تقسیم کئے جائیں گے۔ جائے پروگرام کو سنوارنے کے لئے جنگی پیمانے پر کام جاری ہے۔
