اترپردیش اسمبلی انتخابات کے پہلے مرحلے میں مغربی یوپی کے 11 اضلاع کی 58 سیٹوں پر ووٹنگ ہونے کے بعد سماجوادی پارٹی کی اترپردیش میں سرکار بننے کی قیاس آرائی تیز Speculation of victory of Samajwadi Party ہوگئی ہے۔
اسی ضمن میں مغربی یوپی میں اپنے پسندیدہ امیدواروں کی جیت کے لیے دعاؤں کا سلسلہ بھی شروع Pray for Akhilesh Yadav victory in Meerut ہو گیا ہے، میرٹھ کے سردھانا اسمبلی حلقہ کے سیوایا گاؤں کی رہائشی ریحانہ خاتون نے سماجوادی پارٹی کی جیت کے لیے 30 دن کے روزہ رکھتے ہوئے مسلسل قرآن شریف کی تلاوت کر رہی ہیں۔
ریحانہ کا کہنا ہے کہ یوپی میں جس طرح کا ماحول ہے اس میں خواتین محفوظ نہیں ہیں۔ ایسے میں وہ اکھلیش یادو کو ایک بار پھر وزیراعلیٰ کے عہدے پر دیکھنا چاہتی ہے جس کے لیے وہ رمضان کے اوقات کے مطابق 30 دن کے روزے رکھ رہی ہے تاکہ یوگی حکومت سے یوپی کو نجات مل سکے۔
روزہ کے دوران ریحانہ سحر و افطار میں صرف پانی کا استعمال کر رہی ہیں اس بیچ وہ پانچوں وقت کی نماز کے ساتھ قرآن شریف کی بھی تلاوت کرتی ہیں اور اکھلیش یادو اور اپنے مقامی امیدواروں کے حق میں جیت کی دعائیں کر رہی ہیں۔
واضح رہے کہ ریحانہ کے شوہر بی جے پی کے کارکن زاہد حال ہی میں بی جے پی کو چھوڑ کر سماجوادی پارٹی میں شامل ہوئے ہیں۔ زاہد بتاتے ہیں کہ بی جے پی کی حکومت میں صرف منافرت پھیلائی جاتی ہے۔ پارٹی میں مسلمانوں کے ساتھ اچھا سلوک نہیں کیا جاتا، اس لیے یوپی میں اب سماجوادی پارٹی کی حکومت آنی چاہیے. تاکہ صوبہ کا ماحول بہتر ہوسکے۔
