پردھان اور ان کے بھائی پر فائرنگ

آج صبح وہ اپنے بڑے بھائی بشیشٹھ تیواری 30 کے ساتھ گھر کے سامنے بیٹھے تھے کہ ایک موٹرسائکل پر پہنچے بدمعاشوں نے دونوں بھائیوں کو گولی مار دی ۔

اترپردیش میں پرتاپگڑھ ضلع کے تھانہ کندھئی علاقے کے پورے دیوزانی گاوں میں جمعہ کی صبح نامعلوم بدمعاشوں نے کارگزار پردھان اور ان کے بھائی کو گولی مار کر شدید زخمی کر دیا ۔

پولیس سپرنٹنڈنٹ دفتر (میڈیا سیل ) سے جاری پریس ریلیز کے بموجب موضع پورے دیوزانی کے آشیش تیواری عرف بینو 28 کار گزار پردھان ہیں۔آج صبح وہ اپنے بڑے بھائی بشیشٹھ تیواری 30 کے ساتھ گھر کے سامنے بیٹھے تھے کہ ایک موٹرسائکل پر پہنچے بدمعاشوں نے دونوں بھائیوں کو گولی مار دی ۔

انہوں نے کہا کہ ' شدید زخمی حالت میں علاج کے لیئے ضلع اسپتال لایا گیا جہاں ڈاکٹروں نے نازک حالت دیکھتے ہوئے دونوں کو ایس آر این پریاگراج ریفر کر دیا ۔

وہیں اہل خانہ نے وقوعہ کو پردھانی کی رنجش بتایا ۔قانونی کارروائی کی جارہی ہے۔

پولیس سپرنٹنڈنٹ انوراگ آریہ وقوعہ پر پہونچ کر جائزہ لیا و وقوعہ کے جلد سے جلد انکشاف اور ملزمان کی گرفتاری کے لیئے ایس ایچ او کندھئ کو ہدایت دی ۔

پولیس کی تین ٹیمیں لگائی گئی ہیں ۔وقوعہ کے متعلقہ میں پانچ افراد کو حراست میں لے کر بازپرس کی جارہی ہے ۔