اس موقع پر کارکنان کو مخاطب کرتے ہوئے ریاست کے سابق پارٹی صدر اور دیوریا کے ایم پی رام پتی رام ترپاٹھی نے کہا کہ 'سی اے اے کی مخالفت ملک دشمن ذہنیت کے لوگ کر رہے ہیں جن لوگوں کو یہ لگ رہا ہے کہ ان کے ووٹ بینک کی سیاست اب ختم ہو نے والی ہے ،ویسے ہی لوگ سی اے اے پر ملک کو گمراہ کر کے بدنظمی پیدا کرنا چاہتے ہیں۔'
انہوں نے کہا کہ 'یہ قانون شہریت دینے کے لیے بنا ہے۔ کسی کی بھی شہریت ختم کرنے کے لیے نہیں۔'
وزیر زراعت سوریہ پرتاپ نے کہا کہ 'سی اے اے پر مخالف پارٹیوں کے ذریعہ لوگوں کو گمراہ کرنے کا کام کیا جارہا ہے۔ سی اے اے سے ملک کمزور نہیں بلکہ اور مضبوط ہوگا۔ سی اے اے قانون پر ملک کو گمراہ کر کے جو ماحول بنایا گیا وہ قابل مذمت ہے۔'
دیوریا لوک سبھا کے تین اسمبلی حلقہ دیوریا صدر،رامپور کارخانہ اور پتھر دیوا سے 16763 پوسٹ کارڈ سی اے اے حمایت میں لکھوائے گئے تھے۔جو آج وزیر اعظم کو ارسال کر دیئے گئے۔جلد ہی سلیم پور اور بانس گاؤں لوک سبھا حلقہ کے پوسٹ کارڈ بھی بھیج دیئے جائیں گے ۔
