کورونا وائرس کی وجہ سے ملک کی زیادہ تر ریاستوں میں لاک ڈاؤن نافذ کیا گیا ہے ۔جس سے کی وجہ سے ہر کسی کا کام کاج متاثر ہوا ہے۔ غریب اور مزدور طبقے کی حالت دن ب دن بگڑتی جا رہی ہے ایسا ہی ایک طبقہ قلی بھی ہے جو ریلوے اسٹیشن اور بس اسٹاپ پر سامان ڈھونے کا کام کر کے کسی طرح سے اپنی زندگی کا گزر بسر کرتے ہیں۔لیکن اب اس لاک ڈاؤن کی وجہ سے وہ معاشی تنگی کا شکار ہیں
اترپردیش کے ضلع مظفرنگر میں کورونا مثبت مریضوں کا نکلنا مسلسل جاری ہے۔لاک ڈاؤن نے مزدور طبقے کی کمر توڑ دی ہے۔جن میں سے ایک قلی بھی ہیں۔ان کی معاشی حالت بد سے بدتر ہوتی جارہی ہے۔
اسی سلسلے میں جب ای ٹی وی بھارت اردو نے قلی کا کام کرنے والے کچھ مزدوروں سے بات کی تو انہوں نے ہمیں بتایا کہ پچھلے لاک ڈاؤن سے ابھی تک ہم صحیح طریقے سے ابھرے بھی نہیں تھے کہ ایک بار پھر سے لاک ڈاؤن نے ہمارے کاروبار کو بالکل ٹھپ کر دیا ہے۔ ہماری حالت بد سے بدتر ہوگئی ہے۔ کاروبار نہیں ہونے کی وجہ سے ہمیں کافی پریشانیوں کا سامنا کرنا پڑ رہا ہے۔ ہم اپنے بچوں کو دلاسہ کے علاوہ کچھ نہیں دے پا رہے ہیں۔
ہم حکومت سے مطالبہ کرتے ہیں کہ ہماری طرف بھی تھوڑا دھیان دیں تاکہ ہم بھی اپنے بچوں کا پیٹ بھر سکیں اور اپنے کنبے کا گزر بسر آسانی کے ساتھ کر سکیں۔
