بارہ بنکی: حضرت علی کی یوم ولادت پر مریضوں میں پھل تقسیم

ریاست اتر پردیش کے ضلع بارہ بنکی میں جمعہ کے روز حضرت علی کی یوم ولادت کے موقع پر سماجوادی پارٹی اور کانگریس کے کارکنان نے ضلع ہسپتال میں مریضوں کو پھل تقسیم کئے اور مریضوں کے جلد صحتیاب ہونے کی دعا کی۔

اس موقع پر دونوں پارٹیوں کے کارکنان نے حضرت علی کے بتائے ہوئے راستے پر چلنے کا عزم لیا۔

واضح ہو کہ دونوں پارٹیوں کے کارکنان دوپہر کے بعد رفیع احمد قدوائی میموریل ضلع ہسپتال کے جنرل وارڈ پہنچے۔

اس کے بعد وہاں موجود تمام مریضوں اور ان کے تیمارداروں کو پھل، بسکٹ اور جوس تقسیم کئے۔

اس موقع پر سماجوادی پارٹی کے ضلع صدر حافظ ایاز احمد نے کہا کہ آج کے روز ہم کو حضرت علی کے پیغامات سے سبق لینا چاہئے اور ان کے بتائے ہوئے راستے پر چلتے ہوئے غریب، بے سہارا اور پریشان افراد کی مدد کرنی چاہیے۔

وہیں مریضوں کو پھل تقسیم کرنے کے بعد یوتھ کانگریس کے ضلع صدر سکندر رضوی نے کہا کہ مولیٰ علی کی ایک سوچ تھی کہ تمام عوام پہار محبت کے ساتھ رہے۔ اسلئے ان کے اس مقصد کو مکمل کرنے کے لئے ہم لوگ مریضوں میں پھل تقسیم کر رہے ہیں۔