بجنور: قتل کا انکشاف، پانچ ملزمین گرفتار

بجنور میں ملی لاش کے معاملے کا پولیس نے انکشاف کرتے ہوئے پانچ ملزمین کو گرفتار کیا ہے۔ پولیس کے مطابق یہ معاملہ عاشق و معشوقہ سے متعلق ہے۔

ریاست اترپردیش کے بجنور ضلع کے تھانہ چاندپور کے طاہر پور کے جنگل میں ایک نوجوان کی لاش ملی تھی جس کو گولی ماری گئی تھی۔

پولیس نے آج قتل کا انکشاف کرتے ہوئے پانچ قتل کے ملزمین کو گرفتار کیا ہے۔ ان کے پاس سے طمنچہ و چاقو برآمد ہوا ہے۔

ایس پی سٹی لکشمی نواس مشرا نے بتایا کہ 'پیار کے معاملے میں معشوقہ کے گھر والوں نے لڑکی کی کہیں اور شادی طے کر دی تھی، اسی سلسلے میں عاشق نوجوان گاؤں کی لڑکی کے اہل خانہ کو گھر پر دھمکیاں دینے گیا تھا۔'

اسی دوران لڑکی کے گھر والوں نے نوجوان کو گولی مار قتل کر دیا تھا اور لاش کو جنگل میں پھینک آئے تھے۔

پولیس ان پانچ ملزمین کو گرفتار کر سنگین دفعہ 302 کے تحت مقدمہ درج کر کے جیل بھیجنے کی کارروائی شروع کر دی ہے۔