ریاست اترپردیش کے ضلع سہارنپور میں پولیس نے ایک تصادم کے بعد اے ٹی ایم چور گروہ کے دو چوروں کو گرفتار کیا ھے۔
خیال رہے کہ گرفتار کیے گئے چوروں پر 25، 25 ہزار کا انعام رکھا متعین تھا۔
بتایا جاتا ہے کہ گرفتار کیے گئے چور ریاست ہریانہ میں بھی اے ٹی ایم لوٹ کی وارداتوں کو انجام دے چکے ہیں، ان کے پاس سے پانچ لاکھ 79 ہزار روپے اور غیر قانونی اسلحہ برآمد ہوا ہے۔
واضح رہے کہ کچھ روز قبل سھارنپور اور سرساواہ علاقہ میں اے ٹی ایم اکھاڑ کر لوٹ کی واردات کو انجام دیا تھا، دونوں وارداتوں میں چور لاکھوں روپے لوٹ کر فرار ہوگئے تھے، اور ان دونوں بڑی وارداتوں سے پولیس انتظامیہ میں افرا تفری مچ گئی تھی۔
پولیس کے اعلیٰ افسران نے ٹیمیز تشکیل دے کر اے ٹی ایم کی لوٹ کرنے والے دو بدمعاشوں کو ایک تصادم کے بعد اے ٹی ایم مشین سمیت لاکھوں روپے کے ساتھ گرفتار کرنے میں کامیابی حاصل کی تھی۔
وہیں آج پھر بدمعاشوں اور پولیس کے درمیان تصادم ہوا، جس میں پولیس نے دو بدمعاشوں کو گرفتار کیا، اور ان کے پاس سے اے ٹی ایم سے لوٹے گئے پانچ لاکھ 79 ہزار روپے اور اسلحہ برآمد کیا ہے۔
