اترپردیش کے ضلع مظفر نگر کے بڑھانا علاقے میں پیش آئے سڑک حادثے میں بائیک سوار کانسٹیبل کی موت ہوگئی۔پولیس ذرائع نے آج بتایا کہ بجنور میں تعینات ضلع باغپت کے داہ گاؤں باشندہ کانسٹیبل روہت رانا(30)بدھ کی دیر رات ڈیوٹی ختم کرنے کے بعد چھٹی لے کر بذریعہ بائیک اپنے گاؤں جارہے تھے، دیر رات تقریبا 12بجے بڑھانہ کوتوالی علاقے میں بھیسانہ چینی مل کے نزدیک نامعلوم گاڑی کی زد میں آجانے سے ان کی موقع پر ہی موت ہوگئی۔
روہت کی سال 2009 میں پولیس محکمہ میں تقرری ہوئی تھی۔اطلاع ملنے کے بعد موقع پر پہنچی پولیس نے لاش کو پوسٹ مارٹم کے لئے بھیج دیا ہے۔حادثے کی اطلاع اہل خانہ کو دے دی گئی ہے۔
