بجنور میں پولیس نے چوروں کو گرفت میں لیا

اترپردیش میں پولیس نے بین ریاستی دو چوروں کو اپنی گرفت میں لے کر ان سے لکژری سامان برآمد کیا۔

ریاست اترپردیش کے ضلع بجنور میں پولیس نے انٹر اسٹیٹ کے دو گاڑی چور و لٹیروں کو پولیس نے گرفتار کیا ہے۔ ان دونوں چوروں سے دو چوری شدہ لگژری کاریں بھی برآمد کی گئی ہیں۔

ان دونوں افراد کے خلاف آدھا درجن چوری، ڈکیتی، لوٹ اور قتل کی کوشش کرنے میں الگ الگ تھانوں میں مقدمے درج ہیں۔

بجنور میں تھانہ ہلدور میں چیکنگ کے دوران پولیس نے پیجنیہ چاند پور سڑک پر شہد کی فیکٹری کے قریب عمید اور اشتیاق کی گاڑی کو روکا۔

پوچھ گچھ میں دونوں بین ریاست صطح کے گاڑی لٹیرے وچور نکلے، ان کے پاس سے دو لگژری گاڑیاں بھی برآمد ہوئی۔

دونوں چوروں نے بتایا کہ وہ چوری شدہ گاڑیاں بیچ کر رقم بانٹ لیتے تھے۔