بجنور: چور نکلا کورونا مثبت، پولیس اہلکار قرنطینہ میں

کورونا مثبت چوری کے ملزم شخص کو پکڑنا پولیس اہلکاروں کو اس وقت بھاری پڑ گیا، جب پورے تھانے کو ہی سینیٹائز کراتے ہوئے پولیس اہلکاروں کا بھی سیمپل لیا گیا۔ ان پولیس اہلکاروں کو قرنطین کرادیا گیا ہے۔

ریاست اترپردیش کے بجنور ضلع کے تھانہ نجیب آباد کے جابتا گنج میں در حقیقت پانچ روز قبل پولیس اسٹیشن انچارج کمریش تیاگی کے ساتھ مل کر پولیس اہلکاروں نے ایک نوجوان کو بیٹری چوری کے الزام میں پکڑا۔

بیٹری چوری کا انکشاف کرنے کے بعد پولیس اہلکار کو ایک کامیابی ملی تھی کہ اچانک چور کی کورونا مثبت رپورٹ آگئی۔

کورونا کی مثبت رپورٹ آنے سے محکمہ پولیس میں ہلچل مچ گئی۔

پورے تھانے کو سینٹائز کراتے ہوئے 40 پولیس اہلکاروں کا نمونہ بھی لیاگیا۔ خون کے نمونے دینے والے پولیس اہلکاروں کو محکمہ صحت نے گھر میں قرنطین کر دیا ہے، جنہیں رپورٹ منفی آنے کے بعد ہی کام کرنے کی اجازت دی جائے گی۔