واضح ہو کہ مہتاب عرف مٹرو ولد انور ساکن گاؤں درولی تھانہ نکوڈ پولیس سھارنپور عدالت میں سماعت کے لیے لائی تھی، اسی دوران مہتاب ہاتھ سے ہتھکڑی نکال کر پولیس کے سامنے سے فرار ہو گیا تھا۔
جس کے بعد پولیس محکمہ میں افرا تفری مچ گئی تھی، ایس ایس پی سہارنپور نے اس معاملے کو سنجیدگی سے لیتے ہوئے کئی پولیس ٹیمیں تشکیل دی تھی اور فرار بدمعاش پر 10 ہزار روپیے کے انعام کا اعلان کیا تھا۔
اس سلسلے میں ایس پی سٹی ونت بھٹنا گر نے بتایا کہ، ''گزشتہ کل ایک ملزم مہتاب عرف مٹرو کو تھانہ نکوڈ کی پولیس ایک معاملہ میں سماعت کے لئے عدالت میں لائی تھی، مہتاب عدالت کے قریب سے پولیس اہکاروں کو چکما دیکر فرار ہو گیا تھا۔ اس معاملے میں فوراً کاروائی کرتے ہوئے پولیس ٹیمیں تشکیل دی گئی، جو بدمعاش کو تلاش کر رہی تھی۔''
ونت بھٹناگر نے کہا کہ، ''ایس ایس پی سہارنپور نے معاملہ کو سنجیدگی سے لیتے ہوئے 10 ہزار روپیہ کے انعام کا اعلان کیا تھا، گزشتہ دیر رات فرار بدمعاش کو ریلوے روڑ کے پاس سے گرفتار کر لیا گیا۔''
انہوں نے بتایا کہ، ''جن پولیس اہلکاروں کی کسٹڈی سے یہ بدمعاش فرار ہوا تھا، ان کے خلاف بھی کار روائی کی جارہی ہے۔ تفتیش کے بعد آگے کی کارروائی کی جائے گی۔ گرفتار بدمعاش کے خلاف بھی کار روائی کی جارہی ہے اور اسے جیل بھیجا جارہا ہے۔''
