انٹرنیٹ کالنگ کے ذریعہ سے دیوبند کے ایک تاجر سے رنگداری مانگنے والے ملزم کو پولیس نے گرفتار کرکے جیل بھیج دیا ہے۔ انظار نامی نوجوان گذشتہ کئی روز سے تاجر سے رنگداری مانگ رہا تھا تاجر دیپک تیاگی کو سشیل نام کے شخص کے ذریعہ انٹرنیٹ کالنگ کے ذریعہ سے تین لاکھ روپیہ کی رنگداری مانگی گئی تھی رنگداری نا دینے پر تاجر کو جان سے مارنے کی دھمکی دی گئی تھی۔
تاجر نے اس کی رپورٹ دیوبند تھانے میں درج کرائی تھی آج دیوبند پولیس اور کرائم برانچ کی ٹیم نے رنگداری مانگنے والے ملزم محمد انظار ولد مظاہر حسن محلہ عبدالحق کو تلہیڑی چنگی سے گرفتار کیا ہے۔
پولیس نے ملزم کے پاس سے دو موبائل فون اور ایک کار بھی برآمد کی ہے۔ ملزم سے پوچھ گچھ پر اس نے بتایا کہ وہ پہلے سعودی عرب میں ملازمت کرتا تھا اور وہاں سے وہ اپنے گھر ہندوستان میں بات کرنے کے لئے انٹرنیٹ کالنگ کا سہارا لیتا تھا اور اسی کے ذریعہ سے اس نے تاجر دیپک تیاگی سے تین لاکھ روپے کی رنگداری مانگی۔
اطلاع کے مطابق گرفتار کئے گئے ملزم کے ذریعہ کئی مہینے سے تاجر سے رنگداری مانگی جارہی تھی جس میں آج پولیس نے ملزم کو گرفتار کرکے جیل بھیج دیا۔
اس سلسلے میں ایس پی دیہات اشوک کمار مینا نے بتایا کہ گذشتہ 25 جولائی کو دیپک تیاگی نام کے شخص کو ایک انٹرنیٹ کالنگ کے ذریعہ سے سشیل نام کے شخص کی جانب سے تین لاکھ روپیہ کی رنگداری مانگی گئی تھی، جیسے ہی پولیس کو اس کی اطلاع ملی فوراً پولیس نے مختلف دفعات میں مقدمہ قائم کرکے اسی وقت سے اس معاملے کو سنجیدگی سے لیتے ہوئے دیوبند پولیس اور کرائم برانچ کو لگایا گیا تھا، مذکورہ شخص کی تلاش کی جارہی تھی، پولیس کو آج اس کو گرفتار کرنے میں کامیابی مل گئی۔
