گریٹر نوئیڈا کے دادری علاقے میں اتوار کی دیر رات پولیس نے ایک مقابلے کے دوران ایسٹرن پیریفرل ایکسپریس وے کے راستے بہار لے جا رہے شراب سے لدے 10 ٹائر والے ٹرک کے ساتھ ایک اسمگلر کو گرفتار کیا۔
دادری میں آنند پور موڑ کے قریب پولیس اور شراب اسمگلرز کے مقابلے کے دوران پولیس کی گولی لگنے سے ایک شرپسند زخمی ہوگیا جبکہ دوسرا ملزم فرار ہوگیا۔ پولیس نے ٹرک قبضہ میں لے لیا ہے جس میں 700 کارٹون غیر قانونی شراب برآمد کیا ہے۔
پولیس کے مطابق ہریانہ کے روہتک کا رہائشی پون کمار اپنے ساتھی کے ہمراہ شراب سے بھری ٹرک ہریانہ سے بہار لے کر جارہا تھا۔ ٹرک میں شراب کے 700 کارٹون لدے تھے۔
یہ بھی پڑھیں: ہاتھرس کیس: ایس آئی ٹی جے این میڈیکل کالج پہنچی
جب دادری پولیس نے تفتیش کے لئے ٹرک کو روکنا چاہا تو ملزمان نے پولیس ٹیم پر فائرنگ کردی۔ جواب میں پولیس نے بھی فائرنگ کی۔ پون کمار پولیس کی گولی سے زخمی ہو گیا، اس دوران اس کا ساتھی پولیس کو چکمہ دے کر فرار ہوگیا۔
وہیں برآمد شدہ شراب کی قیمت 50 لاکھ روپے بتائی گئی ہے۔پولیس نے تفتیش میں پایا کہ راکھ کی بوریوں کے پیچھے شراب کے کارٹون چھپا کر بہار لے جا رہے تھے ۔
