نوئیڈا ایس ٹی ایف یونٹ نے جن لوگوں کو گرفتار کیا ہے، ان میں جتیندر،کپور سنگھ،ترلوک ناتھ اور کلدیپ شامل ہیں۔ یہ فرضی دستاویزات استعمال کرکے جعلی کریڈٹ کارڈ بناتے تھے اور پھر ان رقم سے خریداری کرکے فرار ہو جاتے تھے۔ اس کے علاوہ درجنوں بینکوں اور فنانس کمپنیوں کے درجنوں دستاویزات کے ذریعے کروڑوں کریڈٹ کارڈ کے جعلی استعمال کی باتیں بھی منظرعام پر آئیں ہیں ۔اس گینگ کا لیڈر جتین ماضی میں دو بار جیل جا چکا ہے۔
گرفتار ملزم بڑے لوگوں کی ٫کے وائی سی، دستاویز استعمال کرتا تھا اور جعلی شناختی پروف پر نئے کنیکشن جاری کرا لیتے تھے اور پھر ایمیزون شاپنگ ایپلی کیشن کے ذریعے کریڈٹ کارڈ آن لائن اپلائی کرتے تھے۔ جتن اور کپور اپنے ایک ساتھی مکیش جونیجا سے ہزاروں روپے فی کسٹمر کے وائی سی دستاویزات خریدتے تھے۔
ان کے پاس سے 6لاکھ 23ہزار نقد،44گرام سونے کے کل 7 بسکٹ, 8 پین کارڈ،8آدھار کارڈز،1 ووٹر کارڈ، 60 کریڈٹ کارڈ ،16 پی اوایس مشین،9 ڈیبٹ کارڈز,2گاڑیاں (ڈیزائر ، ٹیرانو) اوردیگر اہم دستاویزات برآمد کیے گئے ہیں۔
