میرٹھ: فوٹو گرافرز ایسوسی ایشن نے احتجاج کیا

فوٹوگرافرمنوج کے ساتھ مارپیٹ اور تشدد معاملے میں فوٹوگرافر ایسوسی ایشن نے مظلوم کو انصاف دلانے تک لڑنے کی بات کہی۔ ان کا کہنا تھا پولیس ملزمان کے دباؤ میں کام کر رہی ہے۔

اترپردیش کےمیرٹھ میں ہفتے کے روز آل انڈیا پروفیشنل فوٹوگرافرز ایسوسی ایشن کی جانب سے فوٹوگرافر کے ساتھ مارپیٹ کیے جانے کے خلاف ایسوسی ایشن کے تمام ارکان نے احتجاجی مظاہرہ کیا۔

انھوں نے کہا کہ' ہمارے ساتھی فوٹوگرافر منوج کے ساتھ ہوئے مارپیٹ اور تشدد کے معاملے کے ملزمان کو جلد گرفتار کیا جائے۔'

تفصیلات کے مطابق میرٹھ میں 22 جولائی کو تھانا جانی علاقے میں شادی بیاہ و دوسرے پروگراموں کی فوٹوگرافی کرنے والے نوجوان فوٹو گرافر منوج کے ساتھ فوٹوگرافی کرانے والی پارٹی کی طرف سے رقم کو لیکر مارپیٹ کا معاملہ سامنے آیا تھا۔ جس کی رپورٹ جانی تھانے میں درج کرائی گئی تھی،لیکن ملزمین ابھی تک گرفتار نہیں ہوئے۔

فوٹوگرافر منوج کے ساتھ مارپیٹ معاملے میں فوٹوگرافر ایسوسی ایشن نے مظلوم کو انصاف دلانے تک لڑنے کی بات کہی۔ ان کا کہنا تھا پولیس ملزمان کے دباؤ میں کام کر رہی ہے۔