یوگی حکومت میں عوام بے روزگاری، مہنگائی اور جرائم سے پریشان: عآپ

عام آدمی پارٹی کے ریاستی صدر سبجیت سنگھ نے کہا کہ عام آدمی پارٹی بنیادی مسائل اور مدعے پر سیاست کرتی ہے،اس لئے یوپی میں عوام کی بے پناہ حمایت حاصل ہورہی ہے۔ پارٹی کے کنوینر اروند کیجریوال کی پالیسیوں اور ان کے ترقیاتی ماڈل سے یہاں کے لوگ بہت متاثر ہیں اور بڑی تعداد میں لوگ پارٹی میں شامل ہو رہے ہیں۔

کارکنوں سے خطاب کرتے ہوئے سبجیت سنگھ نے کہا کہ یوگی حکومت میں جرائم، بدعنوانی، بے روزگاری، مہنگائی وغیرہ سے پریشان افراد یوپی کی ترقی کے لئے کیجریوال ماڈل یہاں لانا چاہتے ہیں۔

سبجیت سنگھ نے کہا کہ عام آدمی پارٹی کی یوپی جوڑو مہم جس رفتار سے ریاست بھر میں چل رہی ہے۔اسے دیکھ کر یہ کہنا غلط نہیں ہوگا کہ آج عآپ کے کارکنوں کے دم پر نفرت اور انتقام کی سیاست کرنے والی ناکارہ حکومت کے خلاف بدلاؤ کی ہوائیں چل رہی ہیں۔

ریاستی صدر سبجیت سنگھ نے بتایا کہ ریاست کے تمام اضلاع میں یہ مہم پورے جوش و جذبے کے ساتھ آگے بڑھ رہی ہے۔ تمام اضلاع سے مہم کی پیشرفت سے متعلق اچھے اعداد و شمار سامنے آئے ہیں۔

ریاستی صدر سبجیت سنگھ نے کارکنوں کے جوش کو سراہا۔ کہا کہ پارٹی کنوینر کیجریوال کی پالیسیوں کو لوگوں سے بہت محبت مل رہی ہے۔